Þú ert hér: Verkefni um víða veröld / Au Pair / Au pair Evrópa / Frakkland
16.8.2018 : 18:18 : +0000

Í stuttu máli...

Aldurstakmörk: 18-27 ára

 

Tungumál: Góð enskukunnátta er skilyrði eða góð frönskukunnátta. 

 

Starfsreynsla:  Umsækjendur verða að hafa reynslu af barnagæslu hjá öðrum en fjölskyldu sinni. Áhugi á mannlegum samskiptum, að vera vel syndur og áhugi á ýmsum íþróttum er kostur.

 

Tungumálakunnátta: Enska og grunnþekking í frönsku. Umsækjendur verða að geta tjáð sig nokkuð auðveldlega á ensku.

 

Umsóknarfrestur: Tveimur til þremur mánuðum fyrir áætlaðan brottfarardag.

 

Lengd dvalar: 3-12 mánuðir.  Hægt er að leggja í hann allan ársins hring. Dvöl 3-4 mánuðir, einungis í boði á sumrin.

 

Annað: Ökuskírteini er kostur, hreint sakavottorð, almennt heilbrigði og reykleysi.

 

Við erum að leita eftir þroskuðum, sjálfstæðum og jákvæðum einstaklingum með góða aðlögunarhæfni og síðast en ekki síst Au Pair sem hafa gaman af því að kynnast nýrri menningu og að vera með og umgangast börn!

 

Um landið

Höfuðborg: París 2,15 milljónir íbúa / með úthverfum 9,3 milljónir íbúa.

Stærð: 547.030 km2

Mannfjöldi: 60,4 milljónir íbúa

Tungumál: Franska er opinbera tungumáliðÖnnur tungumál eru flæmska, alsacian, bretonska, baskamál, katalónska, provenska og korsíska.

Trúarbrögð: 86% rómversk kaþólskir, 8% íslam, 2% mótmælendur, 1% gyðingar, 3% annað.

Gjaldmiðill: Euro €

Tímamismunur: GMT+1 klst að vetri. GMT+2 klst að sumri.

Evrópskur sumartími er frá byrjun apríl til loka októbers www.worldtimezone.com/time-france

Rafmagn: 230V 50 HzHz

Landsnúmer: +33

Stjórnkerfi:ðveldi

Loftslag: Meðalhiti janúar frá 2-9°C, júlí frá 14-24°C (Bordeaux). Breytilegt eftir landshlutum.

Vegabréfsáritun: Ekki nauðsynleg, hluti af EES-samningnum og Schengen svæðinu. Vegabréf þarf að vera gilt 6 mánuði fram yfir dvöl.

 

Meira um Frakkland: www.lonelyplanet.com

 

Hvernig kemstu frá Íslandi?

 

 

Almennar leitarvélar

 

Hvenær ætlar þú að fara?

Við bjóðum upp á verkefni allan ársins hring. 

Hafðu samband til að fá frekari upplýsingar í

síma 561 2700 eða sendu okkur fyrirspurn.

Au pair Frakkland

Hvort sem það er Marie Antoinette, hina illræmdu Bastille, Napoleon Bonaparte og Versali eða Parísarturninn frægi þá vita allir eitthvað um Frakkland. Hver hefur ekki heyrt um Jóhönnu af Örk, Coco Chanel og Brigitte Bardot? Um landið, sem frelsisdómar jafnréttis og bræðralags bárust frá seint á 18. öldinni og höfðu áhrif til breytinga fyrir allan almenning í átt að betra og réttlátara lífi. 

 

Frakkland geymir sögu Evrópu og á götum borganna Paris, Marseilles, Bordeaux, Toulouse, Strassbourg, Ryon (Rúðuborg) blandast saman ómur fortíðar og asi nútímans.

 

En Frakkland er meira en stórborgir, - hver landshluti hefur sín eigin einkenni allt frá hrífandi ströndum við Atlandshaið, víðfeðma akra, kastala, rómantíska sveitabæi, til Pyreneafjallgarðanna í suðri, heillandi menningu og mikla sögu.

 

Við bjóðum þér að kynnast landinu frá fyrstu hendi sem hluti af franskri fjölskyldu.

 

Í Au pair Frakkland!


Um vinnuna

Nínukot býður þér upp á að upplifa Frakkland og franska menningu sem hluti af franskri fjölskyldu í París eða Suður-Frakklandi. Þannig kynnist þú daglegu lífi í Frakklandi, lærir frönsku, kynnist frökkum og öðrum Au pair sem koma víða að úr heiminum.

 

Starfið felst í að sinna börnum fjölskyldunnar og aðstoða við létt heimilisstörf. Dæmi um verkefni gæti verið að fylgjast með og leika við börnin, klæða þau og þrífa, útbúa mat fyrir börnin, taka til í herbergjum þeirra og þvo af börnunum, aka þeim í skóla og í frístundir, aðstoða þau við heimalærdóminn og kenna þeim um þitt eigið land og venjur.

 

 

Vinnutíminn er að jafnaði 30 klst. á viku og eru launin að lágmarki 80 evrur í vasapening á viku. Að auki fær Au pair fullt fæði og sérherbergi sem hluta af sínum launum.  Það er amk. einn frídagur í viku og lágmark ein fríhelgi á mánuði. Fyrir hverja sex mánuði í vinnu færðu eina viku frí á launum. Nauðsynlegar tryggingar eru greiddar af fjölskyldu.

Húsnæðisaðstaðan hjá fjölskyldum í París er dálítið frábrugðin öðru húsnæði í Frakklandi. Flestar fjölskyldur búa í íbúðum og hafa sér aðstöðu fyrir Au pair. Annað hvort í göngufæri frá heimilinu eða á öðrum stað í fjölbýlishúsinu. Þessi aðstaða er kölluð ,,chambre de service''.

 

Áhersla er lögð á að Au Pair læri frönsku og kynnist frönsku samfélagi sem best og því eru allar Au pair hvattar til að sækja tungumálanám (6-10 klst. á viku).  Samstarfsaðilar Nínukots hjálpa Au pair að finna tungumálanámskeið við hæfi eða gistifjölskyldan þín. Skoða þarf tímatöflu, skóla í nágrenni við heimili Au pair og kostnað námskeiðs. Kostnaður við tungumálanám er á ábyrgð Au pairs og má gera ráð fyrir að námskeið kosti allt að €100-€120 á mánuði. Au pair fær einnig mánaðarkort fyrir lestarkerfið á meðan dvöl stendur m.a. til að sækja tungumálanámsskeið.

Í frítíma þínum getur þú sótt tungumálanámskeið, hitt aðrar Au pair og skoðað allt sem París hefur upp á að bjóða.

 

Samstarfsaðilar okkar í Frakklandi eru til stuðnings fyrir allar Au pair á meðan dvöl stendur. Þú færð upplýsingapakka við komu til Frakklands ásamt lista með upplýsingum um aðrar Au pair í nágrenni við þig.

 

Í París eru jafnframt skipulagðir ýmiskonar Au pair fundir fyrir allar Au pair til að gera eitthvað skemmtilegt saman.

 

Tekið er viðtal við allar fjölskyldur og eru þær valdar af kostagæfni.

 

 

 

Innihald

  • €80-€90 í vasapening á viku.
  • Fullt fæði og sérherbergi á meðan á dvöl stendur.
  • Nauðsynlegar tryggingar, Au pair verða skráðir inn í tryggingarkerfið í Frakklandi.
  • Handbók Nínukots
  • Au pair starf í 3-12 mánuði. Fer eftir árstíma.
  • Gistifjölskylda
  • Lestarkort í París á meðan dvöl stendur eða aðgangur að bíl
  • Stuðningur á meðan dvöl stendur

 

Almennt eru Au pair í Frakklandi hvattar til að sækja tungumálanámskeið. Fjölskyldur greiða allan ferðakostnað sem fylgir því að sækja tungumálanámskeið í Frakklandi.

Hvað er ekki innifalið?

  • Flug til/frá Frakklandi
  • Tungumálanámskeið er valkvætt (€80-€120 per mánuð) 

 

Au pair getur notað Evrópska sjúkratryggingarkortið í Frakklandi sér að kostnaðarlausu. Hægt er að sækja um það hjá Tryggingarstofnun Ríkisins (www.tr.is) eða hjá Sjúkratryggingum Íslands (www.sjukra.is). Kortinu er framvísað ef viðkomandi þarf á aðstoð læknis að halda.

 

 

Verð

Skráningargjald 15.000 ISK - Greiðist við skráningu

Verkefnagjald 35.000 ISK - Greiðist eftir að fjölskylda er fundin