AuPairCare

Nínukot vinnur með AuPairCare, sem hefur aðstoðað yfir 40.000 Au Pair við að finna sína gistifjölskyldu i Bandaríkjunum.
AuPairCare er ein örfárra skrifstofa sem hafa leyfi frá bandaríska innanríkis- ráðuneytinu til að ráða Au Pair til Bandaríkjanna á J-1 vegabréfsáritun.

Þátttökuskilyrði
Aldurstakmörk: 18-26 ára
Nám: Umsækjendur verða að hafa lokið helming af stúdentsprófi eða því sem samsvarar high school diploma, þegar þeir fara út.
Starfsreynsla:  Umsækjendur verða að hafa reynslu af barnagæslu hjá öðrum en ættingjum. Dæmi um barnagæslu er t.d. starf á leikskóla, barnapössun fyrir nágrannann, starf í sumarbúðum fyrir börn, kennsla barna í íþróttum, ofl. ofl.
Tungumálakunnátta: Enska, – umsækjendur verða að geta tjáð sig auðveldlega á ensku.
Umsóknarfrestur: átta til tólf vikum fyrir áætlaðan brottfarardag.
Lengd dvalar: lágmark 12 mánuðir.  Hægt er að leggja í hann allan ársins hring. Möguleiki er að framlengja dvöl um 6, 9 eða 12 mánuði.
Annað: Ökuskírteini, hreint sakavottorð og góð heilsa.
Við erum að leita eftir þroskuðum, sjálfstæðum og jákvæðum einstaklingum og síðast en ekki síst Au Pair sem hafa gaman af því að vera með og umgangast börn!

Laun, vinnutími ofl.
Vinnutími: Vinnuvikan er mest 45 klst á viku. Hámark 10 klst. á dag.
Frítími: Einn til tveir dagar í viku.
Laun: Lágmark $195,75 í vasapening á viku. Sérherbergi og fullt fæði er hluti af launum.
Önnur laun:  Fjölskyldan greiðir fyrir farseðil til og frá New York og farseðil innanlands til fjölskyldunnar. Au pair fær allt að $500 námsstyrk. Einnig fær Au pair sjúkra-, ferða- og ábyrgðatryggingu ásamt ökutækjatryggingu þar sem við á.
Námskeið: Það er hluti af au pair leyfinu að ljúka stuttu námskeiði í Bandaríkjunum. Námskeiðið er yfirleitt stutt t.d. yfir 2-3 helgar og getur hver au pair ráðið því hvers konar námskeið hún sækir, dæmi um námskeið sem au pair hefur tekið er t.d. prjónanámskeið, enskunámskeið, yoga, starfsþróun ofl. ofl. Úrvalið fer eftir því hvaða námskeið eru í boði þar sem gistifjölskyldan þín býr. Au pair fær aðstoð hjá tengilið sínum á svæðinu að finna námskeið sem hentar. Námskeiðið er hægt að taka hvenær sem er á meðan dvöl stendur. Ef ætlunin er að vera lengur en eitt ár, þá þarf að ljúka þessu námskeiði áður en sótt er um framlengingu.
Annað: Í upphafi dvalar er 3ja daga kynningar- og þjálfunarnámskeið í New Jersey. Au pair er sótt á flugvöllinn í New York við komuna og er það innifalið í þátttökugjaldi. Einnig er gistingin innifalin og matur yfir daginn. Gera þarf ráð fyrir að hafa með sér um $250 til að dekka aukakostnað við komu til landsins t.d. skoðunarferð til New York (valkvætt), símkort (valkvætt) ofl. Eftir námskeiðið fær Au pair einnig akstur á flugvöllinn þar sem hún flýgur áfram til gistifjölskyldunnar sinnar. Þær sem eru að fara til gistifjölskyldu í New York fylki eru sóttar.

Innihald
Öll aðstoð, umsýsla og viðtal vegna umsóknar.
Yfirgripsmikil handbók um prógrammið frá A-Ö.
12 mánaða J-1 vegabréfsáritun.*
SEVIS gjald v/umsóknar um vegabréfsáritun.
Farseðill fram og tilbaka frá heimalandi þínu til New York.
Farseðill til gistifjölskyldu þinnar frá New Jersey.
Minnst $195,75 í vasapening á viku.
Allt að $500 námsstyrkur.
1 og hálfur frídagur á viku auk 10 daga frí á launum á 12 mánaða tímabilinu.
Mánuður til að ferðast í lok dvalar.**
Fullt fæði og sérherbergi á meðan á dvöl stendur.
Sjúkra- og slysatrygging.
Ábyrgðar- og ferðatrygging.
Aksturstrygging (ef við á).
Möguleiki á að framlengja dvölina um 6, 9 og 12 mánuði.
gistifjölskylda sem þú velur sjálf.
Móttaka á flugvellinum við komu og akstur í tengiflug.
Au Pair þjálfunarnámskeið í New Jersey.
Skipulagt tómstundalíf með öðrum Au Pair á þínu svæði.
Stuðningur frá trúnaðarmanni/ Au pair svæðisstjóra á meðan á dvöl stendur.
Neyðarnúmer 24/7.

* Til að vera Au pair í Bandaríkjunum þarf J-1 vegabréfsáritun. Þátttakendur fá réttindi til að starfa sem Au pair í 12 mánuði með hjálp AuPairCare og að ferðast í 30 daga (Grace Period) eftir að starfi þeirra er lokið. Gjald vegna vegabréfsáritunar er greitt af þátttakanda þegar farið er í viðtal hjá Bandaríska sendiráðinu ($160) eftir að fjölskylda er fundin. SEVIS gjald er innifalið í þátttökugjaldi. Nínukot gefur allar upplýsingar og aðstoðar við umsókn um vegabréfsáritun.

** Þrettándi mánuðurinn.

Verð árið 2020
Þátttökugjald AuPairCare $250

Greitt þegar umsækjandi hefur lokið umsókn & hefur mætt í formlegt viðtal og umsókn hefur verið samþykkt af AuPairCare.

Umsóknarferlið… skref fyrir skref
Frá þeim tíma sem þú skilar inn umsókn þinni fullbúinni til Nínukots getur þú verið komin til Bandaríkjanna 8-12 vikum síðar. Það getur líka tekið aðeins lengri tíma en það fer eftir hversu margar fjölskyldur eru að leita að Au pair með þína sérstöku reynslu eða hæfni. Hérna eru skrefin sem þú tekur frá því umsóknaferlið hefst þar til þú kemur til gistifjölskyldu þinnar í Bandaríkjunum:

Umsókn skilað inn
Þegar þú hefur farið í formlegt viðtal og skilað inn öllum umsóknargögnum til Nínukots mun Nínukot senda umsóknargögnin áfram til Au Pair Care. Au Pair Care staðfestir umsóknina þína og mun umsóknin þín verða sýnileg fjölskyldum.

Viðtöl við gistifjölskyldur í Bandaríkjunum
Þú færð tilkynningu í tölvupósti þegar gistifjölskylda biður um viðtal við þig. Þú átt að fara inn á My Au pair care (þitt netsvæði) til að sjá upplýsingar um fjölskylduna sem biður um viðtalið. Lestu allar upplýsingarnar um fjölskylduna og samfélag hennar. Fjölskyldan verður svo í sambandi, hringir eða sendir tölvupóst til að skipuleggja viðtal. Þú getur líka haft samband við þau að fyrra bragði til að skipuleggja viðtalið ykkar.

Viðtalið

Viðtöl fara fram að minnsta kosti tvisvar við sömu fjölskyldu áður en ákveðið er að para sig saman. Þetta er gert svo öllum helstu spurningum Au pair umsækjanda og gistifjölskyldu sé örugglega svarað. Undirbúðu vandlega hvert viðtal og vertu tilbúin að spyrja viðeigandi spurninga varðandi þarfir barnanna og lífstíl. Þú færð gögn frá Nínukoti sem geta hjálpað þér við undirbúninginn.

Fjölskylda fundin og komudagur valinn

Þegar gistifjölskyldan þín hefur beðið þig um að koma til sín og þú hefur samþykkt munt þú og gistifjölskyldan þín velja komudag.

Undirbúningur fyrir brottför
Þú munt hafa að minnsta kosti fjórar vikur til að undirbúa komu þína til Bandaríkjanna. Á þessum tíma þarftu að sækja um J-1 áritunina þína, gera verkefni um menningu þína og gistifjölskyldu, lesa leiðbeiningar um brottför þína og ná í ferðaupplýsingar þínar á My Au Pair Care. En ekki hafa áhyggjur… starfsmaður hjá Nínukoti mun leiðbeina þér og hjálpa þér með undirbúninginn.
 

Au pair námskeið

Þú munt fara til New Jersey til að sækja Au Pair þjálfunarnámskeið hjá Au Pair Care. Þar hittir þú aðrar Au pair og færð þjálfun m.a. í skyndihjálp og öryggi barna.

Koman til gistifjölskyldunnar
Þegar þú hefur lokið Au pair þjálfunarnámskeiðinu munt þú fara til gistifjölskyldunnar. Þau munu annaðhvort sækja þig á námskeiðið eða á flugvöllinn næst heimili fjölskyldunnar. Eitt foreldri eða annar meðlimur gistifjölskyldunnar mun vera með þér fyrstu þrjá dagana til að setja þig inn í starfið. Þetta mun auðvelda aðlögunarferlið.  Tengiliður þinn (area director) mun einnig vera í sambandi við þig innan tveggja sólahringa eftir komu þína til þess að bjóða þig velkomna/velkominn.

Upplýsingafundur
Innan tveggja vikna frá komu þinni til gistifjölskyldunnar mun tengiliður þinn koma í heimsókn til að fara yfir helstu atriði með þér og gistifjölskyldu þinn m.a. leiðbeina þér við að sækja um social security number. 

Þú getur nálgast nánari upplýsingar hjá starfsmanni Nínukots. Ef þú ert tilbúin að hefja umsóknarferlið getur þú skráð þig hér: https://www.aupaircare.com/au-pairs/apply

 

 

Close Menu